VEDTEKTER FOR ROGNE BARNEHAGE

Vedtekne på årsmøtet i Stiftinga Rogne barnehage

den 13. mars 2007, sist revidert 06.02.25.

 

§ 1 Føremål

Barnehagen skal drivast i samsvar med barnehagelova § 1:

Barnehagen skal i samarbeid og forståelse med hjemmet ivareta barnas behov for omsorg og lek, og fremme læring og danning som grunnlag for allsidig utvikling. Barnehagen skal bygge på grunnleggende verdier i kristen og humanistisk arv og tradisjon, slik som respekt for menneskeverdet og naturen, på åndsfrihet, nestekjærlighet, tilgivelse, likeverd og solidaritet, verdier som kommer til uttrykk i ulike religioner og livssyn og som er forankret i menneskerettighetene.

Barna skal få utfolde skaperglede, undring og utforskertrang. De skal lære å ta vare på seg selv, hverandre og naturen. Barna skal utvikle grunnleggende kunnskaper og ferdigheter. De skal ha rett til medvirkning tilpasset alder og forutsetninger.

Barnehagen skal møte barna med tillit og respekt, og anerkjenne barndommens egenverdi. Den skal bidra til trivsel og glede i lek og læring, og være et utfordrende og trygt sted for fellesskap og vennskap. Barnehagen skal fremme demokrati og likestilling og motarbeide alle former for diskriminering.

§ 2 Forvaltning av barnehagen

Rogne barnehage er privat, foreldreeigd og driven av Stiftinga Rogne barnehage. Barnehagen vert driven i samsvar med barnehagelova, gjeldande forskrifter til lova, vedtekter for stiftinga og årsplan for barnehagen. Rammeplan for barnehagen er grunnlag for planarbeidet i barnehagen.

 

2.1 Eigarstyret

Eigarstyret er økonomisk ansvarleg for stiftinga og skal vera eit kontrollorgan for stiftinga/barnehagen. Vidare fungerer eigarstyret som barnehagen sitt øvste organ mellom årsmøtene. Eigarstyret består av 4 foreldrerepresentantar, 1 personalrepresentant og dagleg leiar. Medlemmane har teieplikt.

 

2.2. Årsmøtet

Årsmøtet er stiftinga si øvste myndigheit. Det er fastsett eigne vedtekter for stiftinga.

 

2.3 Samarbeidsutvalet

Samarbeidsutvalet skal vera eit rådgjevande, kontaktskapande og samordnande organ. Samarbeidsutvalet har 4 medlemmer. Eigar vèl ein representant, foreldrerådet vèl ein representant, dei tilsette vèl ein representant og Voss herad vèl ein representant til samarbeidsutvalet for barnehagen. I tilegg kjem styrar som skrivar. Representantane skal veljast for eitt år om gongen. Samarbeidsutvalet konstituerer seg sjølv, og det blir valt leiar og nestleiar. Styrar har møte-, tale- og forslagsrett i samarbeidsutvalet. Samarbeidsutvalet skal godkjenna årsplanen til barnehagen, ha uttalerett i viktige saker og bidra i planlegging av sosiale samankomstar.

 

2.4 Foreldreråd

Alle foreldre/føresette til barn i barnehagen er medlemmer av foreldrerådet. Foreldrerådet skal fremja fellesinteresser og bidra til samarbeid mellom heimane og barnehagen om eit godt barnehagemiljø. Innkalling til møta bør skje i samråd med styrar for barnehagen. Ved avrøystingar i foreldrerådet tèl frammøtte foreldre/føresette ei stemme kvar. Foreldrerådet vèl ein leiar som representerer foreldrerådet i samarbeidsutvalet for barnehagen.

 

§ 3 Barnehagetilbod

Barnehageåret vert rekna frå 15. august til og med 14. august. Barnehagen er open 9 timar om dagen frå 7.30-16.30. Barnehagen held stengt fem planleggingsdagar i året. Rogne barnehage har tilbod om heil plass.

 

§ 4 Barn med nedsett funksjonevne

Barnehagen skal sikra at barn med nedsett funksjonsevne får eit eigna individuelt tilrettelagt barnehagetilbod. Kommunen fattar vedtak om tilrettlegging av barnehagetilbodet til barn med nedsett funksjonsevne, jf barnehagelova § 37.

 

§ 5 Rett til spesialpedagogisk hjelp

Barn under opplæringspliktig alder har rett til spesialpedagogisk hjelp dersom dei har særlege behov for det. Dette gjeld uavhengig av om barnet går i barnehage. Formålet med spesialpedagogisk hjelp er å gje barn tidleg hjelp og støtte i utvikling og læring av til dømes språklege og sosiale ferdigheiter jf. barnehagelova § 31.

 

§ 6 Opptak av born

Private og kommunale barnehagar har samordna opptak. Søknadsskjema, informasjonsskriv, søkjarliste og inntaksprosedyre er felles. Det skal søkjast elektronisk, og naudsynte attestasjonar skal leggast ved. Søknadsfrist for hovudopptaket, og for tildeling av barnehageplassar frå 15. august, er 1. mars.

 

Barnet har rett til plass i barnehage i det heradet der det er busett. For å vera med i hovudopptaket må søkjar vera busett på Voss ved oppstart av nytt barnehageår, dvs. i august månad. Søkjarar som søkjer etter 1. mars får tilbod om barnehageplass, dersom det er ledige barnehageplasser i kommunen.

 

Barnehagen ved eigar (dagleg leiar/styret) har rett til å begrensa inntak av barn i særskilte grupper om dette er nødvendig. Grupper ein då tenkjer på er årskull som allereie er store i noverande barnegruppe og minoritetsspråklege barn. Det er viktig utifrå eit pedagogisk og økonomisk syn at alle årskull og grupper i barnehagen er jamt representert slik at barnehagen kan behalde sin eigenart og kan gje eit godt pedagogisk tilbod til alle barn i barnegruppa.

 

Barn som fyller 1 år innan utgangen av august det året det blir søkt om barnehageplass, har etter søknad rett til å få plass i barnehage frå august. Barn som fyller eitt år i september, oktober, eller november det året det søkjer barnehageplass, har etter søknad rett til å få plass i barnehage innan utgangen av den månaden barnet fyller eitt år, jf barnehagelova § 16.

 

Tildeling etter fylgjande prioriteringsliste:

 

1. Barn med nedsett funksjonsevne, jf. § 13 i barnehagelova.*  

2. Barn det er fatta vedtak om etter lov om barnevernstenesta, jf. § 4.4 *         

3. Barn frå barnehagar som blir lagde ned.   

4. Søsken har plass i same barnehage.**  

5. Barn av einslege forsørgjarar

6. Fødselsdato

 

* Er det barn med spesielle behov kan det søkjast om prioritert plass. Punkt 1 og 2 skal dokumenterast av fagpersonell, dvs. lege, pp-rådgjevar, psykolog, sosionom, spesialpedagog.

 

Barn med sterkt nedsett funksjonsevne av både fysisk og psykisk karakter, og som må ha tett oppfylgjing stort sett heile opningstida, vil få tilbod om plass i Voss barnehage eller Klausabakken barnehage. Desse barnehagane er spesielt tilrettelagt for barn med samansette vanskar og rullestolbrukarar.

 

** Søskenprioritet er knytt opp til at ein har søsken i barnehagen når barnet byrjar i barnehagen. Ved hovudopptaket vil ein missa denne prioriteten dersom søsken går ut av barnehagen. Dette gjeld særleg for dei som har søsken som byrjar i skulen eller sluttar i barnehagen. Søkjarar som har søsken som byrjar på skulen om hausten, beheld prioriteringskode 4 t.o.m 14.08.

 

§ 7 Oppseiing

Det er to månadars gjensidig oppseiing av plassen. Oppseiinga gjeld frå 1. eller 15. i månaden. Oppseiinga skal leverast elektronisk. Det må betalast for opphald i oppseiingstida, sjølv om barnet ikkje nyttar plassen. Blir plassen sagt opp etter 1. april må ein betala ut barnehageåret.

 

§ 8 Foreldrebetaling

Betaling for barnehageplassen gjeld dei satsar som styret til ei kvar tid fastset. Betalingsfrist for foreldrebetaling er den 1. i kvar månad. Foreldre/føresette betalar for 11 månadar. Det er betalingsfri halve juli og halve august. Betaling for kost kjem i tillegg.

 

Søskenmoderasjon vert gitt i samsvar med gjeldande stortingsvedtak f.t. med 30 % for 2.barnet og 50% for 3.barnet og kvart barn utover dette.

 

Det er to nasjonale moderasjonsordningar jf. forskrift om foreldrebetaling.

1. Familien/hushaldet skal ikkje betala meir for ein barnehageplass enn 6% av den samla inntekta.
2. To, tre, fire og fem-åringar, samt barn med utsett skulestart, og som bur i hushald med låg inntekt, har rett til å få 20 timar gratis kjernetid per veke.

 

§ 9 Tilsetjingar

Eigar føretek tilsetjing av styrar. Tilsetjing av anna personale vert føreteke av styrar.

 

§ 10Ferie

Barna skal ha minst 4 veker feriefråvær i barnehageåret, herav minst 3 veker samanhengande i sommarferien. Sommarferien vert rekna frå ca 20. juni til 20. august. Barn som sluttar i barnehagen må avvikla ferie innan 15. august. Planleggingsdagane kan reknast som ei ferieveke. Foreldra må melda frå om barna si sommarferieavvikling innan 1 mai.

I samband med haust- og vinterferie kan barnehagen verta stengt dersom få barn har behov for barnehagetilbodet. Det skal vera minst 5 born pr. dag for å halda ope. Barnehagen held stengt dagane mellom jolaftan og nyttårsaftan i jola, og dagane før skjærtorsdag i påsken. Barnehagen er stengd veke 29 og 30.

 

§ 11 Arealutnytting

Netto leike- og opphaldsareal er 4 m2 for barn over 3 år og 5,3 m2 for barn under 3 år. Leike- og opphaldsarealet ute skal om lag vera seks gonger så stort.

 

§ 12 Bemanning

Norm for pedagogisk bemanning seier at det skal vera minimum ein pedagogisk leiar per 14 barn når barna er over 3 år og ein pedagogisk leiar per sju barn når barna er under 3 år, jf. forskrift om pedagogisk bemanning § 1.

 

Norm for bemanning er ein vaksen per seks barn over 3 år og ein vaksen per 3 barn under 3 år.

§ 13 Helsekontroll av barn og personale

Før eit barn byrjar i barnehagen, skal det leggast fram erklæring om barnet si helse. Dersom barnet har møtt til dei ordinære kontrollane på helsestasjonen, kan foreldre/føresette gje ei slik erklæring. Sjuke eller svært forkjøla barn må haldast heime dersom det er ein reell smittefare. Dersom barnet ikkje kan vera ute og delta i aktivitetar på lik linje med dei andre barna, bør barnet vera heime. Dagleg leiar avgjer i tvilstilfeller om barnet kan vera i barnehagen. Personale i barnehagen har plikt til å ta tuberkulosekontroll i høve gjeldane regelverk.

 

§ 14 Internkontroll

Barnehagen skal ha internkontrollsystem i samsvar med forskrift om systematisk helse, miljø og sikringsarbeid, jf. internkontrollforskrifta. Dokumentasjon vert oppbevart i barnehagen. Barnehagen brukar internkontrollsystemet PBL mentor for helse, miljø og sikringsarbeid, og det vert kontinuerleg oppdatert av dagleg leiar og verneombod.

 

§ 15 Arbeidsplikt

Mottak av barnehageplass i Rogne barnehage inneber rettar og plikter. Til pliktene høyrer dugnadsarbeid etter dei retningslinjene og vedtak som til ei kvar tid gjeld, samt plikt til å ta på seg evt. garantiansvar for stiftinga si gjeld, jf  vedtekter for Stiftinga Rogne barnehage § 4. Pr. dags dato er arbeidsplikta 10 dugnadstimar pr. familie pr. år.

 

§ 16 Ansvar

Personalet har ansvar for barna den tida dei er i barne­hagen. Barnehagen er pålagt å tegna ulykkesforsikring for barna.

Levering og henting av barna er foreldre/foresatte sjølv ansvarleg for. Den som fylgjer barnet til barnehagen, må ikkje for­lata barnet før det har vore i kontakt med personalet. Barnet skal hentast av ein vaksen person som er kjend for personalet i barnehagen. Dersom barnet blir henta av ein annan person enn den/dei som vanlegvis hentar barnet, skal barnehagen ha beskjed frå barnet sine foreldre/føresette om kven som skal henta barnet.

Personalet har ikkje ansvar for kle barnet har med seg i barnehagen eller andre eigedelar.

Personalet må ikkje ta med barna som passasjerar i eigen bil eller offentleg transportmid­del utan at det blir nytta forskriftsmessig sikring av barnet, og at det føreligg skriftleg samtykke frå foreldre/føresette.

§ 17 Teieplikt og politiattest

Alle som har tilknyting til barnehagen som tilsett eller medlem av styre og samarbeidsutval, har teieplikt vedkomande alle personopplysningar dei i kraft av stilling/ombod vert kjende med, jf. barnehagelova §44. Dette gjeld også elevar/studentar som har praksis i barnehagen. Alle som er, og blir tilsett i barnehagen skal ha gyldig politiattest, jf. barnehagelova §30.

 

§ 18 Opplysningsplikt til barnevernet

Alle tilsette som arbeider i tråd med barnehagelova, skal i sitt arbeid vera merksame på forhold som kan føra til tiltak frå barnevernstenesta, jf. barnehagelova § 46.

 

§19 Iverksetjing og endring av vedtektene

Endringar av vedtektene kan gjerast av styret i Stiftinga Rogne barnehage eller på årsmøtet. Samarbeidsutvalet for barnehagen skal ha høve til å uttala seg. Styret i Stiftinga Rogne barnehage kan avgjera at drifta av Rogne barnehage skal nedleggjast og korleis aktiva skal brukast, jf § 11 i vedtekter for Stiftinga Rogne barnehage.